തുരുത്തി സമരക്കാർ മുഖ്യമന്ത്രിക്ക് നിവേദനം നൽകി

പാപ്പിനിശ്ശേരി: തുരുത്തി കുടിൽ കെട്ടി സമരം ചെയ്യുന്ന കർമസമിതി നേതാക്കൾ പാപ്പിനിശ്ശേരിയില്‍ നടന്ന യോഗത്തില്‍ മുഖ്യമന്ത്രി പിണറായി വിജയന് നിവേദനം നൽകി. 500 മീറ്ററിനിടയിലെ നാല് വളവുകളിൽ ഒരു വളവു നിവർത്തിയാൽ തന്നെ തുരുത്തിയിലെ 25ഓളം പട്ടികജാതി കുടുംബങ്ങളെ കുടിയൊഴിപ്പിക്കാതെ ദേശീയപാത ബൈപാസ് നിർമിക്കാമെന്ന് സമരസമിതി നേതാക്കൾ മുഖ്യമന്ത്രിയെ നേരിട്ട് ബോധിപ്പിച്ചതായി കർമസമിതി കൺവീനർ കെ. നിഷിൽ കുമാർ പറഞ്ഞു. കഴിഞ്ഞ ഒമ്പത് മാസത്തിലേറെയായി തുരുത്തിയിൽ കുടിൽകെട്ടി സമരം നടക്കുകയാണെന്നും മുഖ്യമന്ത്രിയോട് സമരസമിതി കൺവീനർ പറഞ്ഞു.