സഹവാസ ക്യാമ്പ് നാളെ

പിലാത്തറ: ഫ്ലൈ കൂട്ടായ്മയുടെ ത്രിദിന സഹവാസ ക്യാമ്പ് 28 മുതൽ 30 വരെ പുറച്ചേരി കേശവ തീരം ആയുർവേദഗ്രാമത്തിൽ നടക്കും. വെള്ളിയാഴ്ച വൈകീട്ട് അഞ്ചിന് പുരാവസ്തു മന്ത്രി രാമചന്ദ്രൻ കടന്നപ്പള്ളി ഉദ്ഘാടനംചെയ്യും. ടി.വി. രാജേഷ് എം.എൽ.എ അധ്യക്ഷതവഹിക്കും. രാത്രി ഏഴിന് പൂരക്കളി, നാട്ടറിവ് പാട്ടുകൾ, അനുമോദനം എന്നിവ നടക്കും. 29ന് ചിറക് മാഗസിൻ പ്രകാശനം, അനുസ്മരണ സദസ്സ്, മാർഗംകളി, ഫ്ലൈ ഗാനമേള, നൃത്തവിരുന്ന് എന്നിവയുണ്ടാകും. വിവിധ ജില്ലകളിൽനിന്നുള്ള 150 അംഗങ്ങൾ ക്യാമ്പിൽ പങ്കെടുക്കും. വാർത്താസമ്മേളനത്തിൽ ടി.എം. ശ്രീജിത്ത്, വിനോദ് എടാട്ട്, ടി.എം. രാജേഷ്, രതീഷ് കാനായി, കെ.വി. സുശാന്ത്, വെദിരമന വിഷ്ണു നമ്പൂതിരി എന്നിവർ പങ്കെടുത്തു.