സിഖ്​ വിരുദ്ധ കലാപം: കീഴടങ്ങാൻ സമയം അനുവദിക്കണമെന്ന സജ്ജൻകുമാറി​െൻറ ഹരജി തള്ളി

ന്യൂഡൽഹി: കീഴടങ്ങാൻ ജനുവരി 30 വരെ സമയം അനുവദിക്കണമെന്ന സിഖ്വിരുദ്ധ കലാപക്കേസിലെ പ്രതിയും മുൻ കോൺഗ്രസ് നേതാവുമായ സജ്ജൻകുമാറി​െൻറ ഹരജി ഡൽഹി ഹൈകോടതി തള്ളി. കേസിൽ സജ്ജൻകുമാറിനെ ജീവപര്യന്തം തടവിന് ശിക്ഷിച്ചിരുന്നു. ആശ്വാസം അനുവദിക്കാൻ കാരണം കാണുന്നില്ലെന്ന് ജസ്റ്റിസുമാരായ എസ്. മുരളീധർ, വിനോദ് ഗോയൽ എന്നിവരടങ്ങുന്ന ബെഞ്ച് വ്യക്തമാക്കി. ഇതേ ബെഞ്ചാണ് കഴിഞ്ഞദിവസം 73കാരനായ സജ്ജൻകുമാറിനെ ശിക്ഷിച്ചതും ഡിസംബർ 31ന് കീഴടങ്ങാൻ നിർദേശിച്ചതും. '84ൽ രാജ്നഗറിൽ അഞ്ച് സിഖുകാർ കൊല്ലപ്പെട്ട കേസിലാണ് കുമാർ പ്രതിയായത്.