റിംസ്​ മോണ്ടിസോറി സ്​കൂൾ പുതിയ കെട്ടിടം പ്രവർത്തനം തുടങ്ങി

തലശ്ശേരി: തലശ്ശേരി ചേറ്റംകുന്നിൽ 2017-18ൽ പ്രവർത്തനമാരംഭിച്ച റിംസ് മോണ്ടിസോറി സ്കൂളി​െൻറ പുതിയ കെട്ടിടം വീനസ് കോർണറിനു സമീപം പ്രവർത്തനമാരംഭിച്ചു. പുതിയ കെട്ടിടത്തി​െൻറ ഉദ്ഘാടനം ബുധനാഴ്ച രാവിലെ 11ന് റിംസ് ഫൗണ്ടേഷൻ ചെയർമാൻ ഡോ. പി.എ. ഇബ്രാഹിം ഹാജി നിർവഹിച്ചു. റിംസ് ഫൗണ്ടേഷൻ ജനറൽ സെക്രട്ടറി യു.എൻ. സാജിദ് അധ്യക്ഷതവഹിച്ചു. ഫൗണ്ടേഷൻ വൈസ് ചെയർമാൻ ടി.പി. അബ്ദുൽ ഹമീദ് ഹാജി, ട്രഷറർ ഹാഷിം ഹാജി എന്നിവർ സന്നിഹിതരായി. ചേറ്റംകുന്ന് വാർഡ് കൗൺസിലർ സാജിദ സംസാരിച്ചു. അക്കാദമി കോഒാഡിനേറ്റർ ലല്ലു ശശിധരൻ സ്വാഗതം പറഞ്ഞു.