ഹർത്താലിനെതിരെ കണ്ണന്താനം

ഹർത്താലിനെതിരെ കണ്ണന്താനം തിരുവനന്തപുരം: ആര് ഹർത്താൽ നടത്തിയാലും അംഗീകരിക്കാനാകില്ലെന്ന് കേന്ദ്രമന്ത്രി അൽഫോൻസ് കണ്ണന്താനം. ബി.ജെ.പി ഹർത്താൽ നടത്തിയാലും അംഗീകരിക്കില്ല. ഓരോരുത്തർക്കും ഇവിടെ ജീവിക്കാനുള്ള അവകാശമുണ്ടെന്നും അദ്ദേഹം പറഞ്ഞു. വി.ജെ.ടി ഹാളിൽ തിക്കുറിശ്ശി ജന്മശതാബ്ദിയോടനുബന്ധിച്ച് 11ാമത് ദൃശ്യമാധ്യമസാഹിത്യ പുരസ്കാരങ്ങൾ വിതരണം ചെയ്ത് സംസാരിക്കുകയായിരുന്നു അദ്ദേഹം. ഹർത്താൽ നടത്തുേമ്പാൾ ടൂറിസത്തെ മാത്രം എങ്ങനെയാണ് ഒഴിവാക്കുക. കഴിഞ്ഞദിവസത്തെ ഹർത്താലിനിടയിൽ 2,000 വിദേശ ടൂറിസ്റ്റുകളാണ് കേരളത്തിലെത്തിയത്. എങ്ങനെ അവർക്ക് പുറത്തിറങ്ങാനും യാത്ര ചെയ്യാനും ഷോപ്പിങ് നടത്താനും കഴിയുകയെന്ന് അദ്ദേഹം ചോദിച്ചു. അടിസ്ഥാനകാര്യങ്ങളിൽ ചിന്തവേണം. നമ്മുടെ കുട്ടികൾക്ക് ജോലിയും വരുമാനവും വേണം. അതിനുള്ള അന്തരീക്ഷം ഉണ്ടാക്കണമെന്നും അദ്ദേഹം പറഞ്ഞു. വി.എസ്. ശിവകുമാർ എം.എൽ.എ അധ്യക്ഷതവഹിച്ചു. പ്രഭാവർമ, സുരേഷ്മാത്യു, കെ. സുദർശനൻ, കവിത സോനേഷ് എന്നിവർ സംസാരിച്ചു. തിക്കുറിശ്ശി ഫൗണ്ടേഷൻ സെക്രട്ടറി രാജൻ വി. പൊഴിയൂർ, ഡോ. വാഴമുട്ടം ചന്ദ്രബാബു എന്നിവർ നേതൃത്വം നൽകി.