പുസ്തകവണ്ടി പ്രയാണം

പെരിങ്ങത്തൂർ: എടച്ചേരി നോർത്ത് യു.പി സ്കൂൾ അക്കാദമിക മാസ്റ്റർ പ്ലാനി​െൻറ ഭാഗമായി തയാറാക്കിയ വായന പരിപോഷണ പദ്ധതിയായ പുസ്തകവണ്ടിയുടെ പ്രയാണത്തിന് തുരുത്തിയിൽ തുടക്കമായി. എടച്ചേരി ഗ്രാമപഞ്ചായത്ത് പ്രസിഡൻറ് ടി.കെ. അരവിന്ദാക്ഷൻ ഉദ്ഘാടനം നിർവഹിച്ചു. എടച്ചേരി ഗ്രാമപഞ്ചായത്തംഗം സുനിത അധ്യക്ഷത വഹിച്ചു. ചോമ്പാല ഉപജില്ല വിദ്യാഭ്യാസ ഓഫിസർ സുരേന്ദ്രൻ കവുത്യാട്ട് മുഖ്യപ്രഭാഷണം നടത്തി. ആമുഖഭാഷണം കെ. പവിത്രൻ നിർവഹിച്ചു. വി.വി. ഉഷ പുസ്തകങ്ങൾ ഏറ്റുവാങ്ങി. വിജില പറമ്പത്ത്, സുധീർ എന്നിവർ സംസാരിച്ചു. ദീപേഷ് സ്വാഗതവും റാഷിദ നന്ദിയും പറഞ്ഞു.