കടക്കുള്ളിൽനിന്ന്​ മൂർഖൻപാമ്പിനെ പിടികൂടി

കണ്ണൂർ സിറ്റി: കുടുക്കിമൊട്ടയിലെ കടക്കുള്ളിൽനിന്ന് മൂർഖൻപാമ്പിനെ പിടികൂടി. വെള്ളിയാഴ്ച രാവിലെ ഒമ്പതോടെയായിരുന്നു സംഭവം. കുടുക്കിമൊട്ടയിലെ ബാലകൃഷ്ണൻ നമ്പ്യാരുടെ കടയുടെ ഷട്ടറിനുള്ളിലേക്ക് പാമ്പ് കയറിപ്പോവുന്നത് യാത്രക്കാർ കണ്ടതിനെ തുടർന്ന് കടയുടമയെ അറിയിക്കുകയായിരുന്നു. വനംവകുപ്പി​െൻറ റാപിഡ് റെസ്പോൺസ് ടീമിലെ വൈൽഡ്ലൈഫ് റെസ്‌ക്യൂവർ നിധീഷ് ചാലോട് സ്ഥലത്തെത്തി ഒന്നരമീറ്ററോളം നീളമുള്ള മൂർഖൻപാമ്പിനെ പിടികൂടി. പാമ്പിനെ വനത്തിലേക്ക് തുറന്നുവിട്ടു.