വായനശാല മൈതാനം ഓപൺ സ്​റ്റേജാക്കി മാറ്റണം

മാഹി: നൂറുവർഷത്തോളമായി ചാലക്കര, പള്ളൂർ പ്രദേശങ്ങളിലെ കല, കായിക, സാംസ്കാരിക പരിപാടികൾക്ക് വേദിയാകുന്ന ചാലക്കര വായനശാലക്ക് മുന്നിലെ സ്ഥലം സർക്കാർ ഏറ്റെടുത്ത് സ്വാതന്ത്ര്യസമര സേനാനി പി.കെ. ഉസ്മാൻ മാസ്റ്ററുടെ പേരിൽ ഓപൺ സ്റ്റേജ് നിർമിക്കണമെന്ന് എം.എ.എസ്.എം ഗ്രാമീണ വായനശാല യോഗം ആവശ്യപ്പെട്ടു. നേരേത്ത പുതുച്ചേരി സർക്കാർ ഇവിടെ പാർക്ക് നിർമിക്കുമെന്ന് പ്രഖ്യാപിച്ചിരുന്നെങ്കിലും പ്രാവർത്തികമായില്ല. പ്രസിഡൻറ് ചാലക്കര പുരുഷു അധ്യക്ഷതവഹിച്ചു. പി. ശശികുമാർ, കെ. പവിത്രൻ, പി.പി. അനന്തൻ, കെ. മോഹനൻ, എം.വി.എ. ഗഫൂർ, നസീർ കേളോത്ത്, ജയശ്രീ ജയൻ, ഇ. വിജയൻ, കുന്നുമ്മൽ ബാലൻ എന്നിവർ സംസാരിച്ചു.