പോക്സോ പ്രകാരം അറസ്​റ്റിൽ

കൂത്തുപറമ്പ്: പതിനഞ്ചുകാരിയെ ശാരീരികമായി ഉപദ്രവിച്ച സംഭവത്തിൽ യുവാവിനെ പോക്സോ ആക്ട് പ്രകാരം കൂത്തുപറമ്പ് പൊലീസ് അറസ്റ്റ് ചെയ്തു. ശിവപുരം മെട്ടയിലെ വള്ളിൽ വീട്ടിൽ റഹീമാണ് (36) അറസ്റ്റിലായത്. കഴിഞ്ഞ മാസം 25ന് ട്യൂഷന് പോകുന്നതിനിടയിൽ യുവാവ് വിദ്യാർഥിനിയെ ശാരീരികമായി ഉപദ്രവിക്കുകയായിരുന്നു. രക്ഷിതാക്കളുടെ പരാതിയെ തുടർന്ന് പൊലീസ് നടത്തിയ അന്വേഷണത്തിലാണ് പ്രതി പിടിയിലായത്. കൂത്തുപറമ്പ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു.