കഞ്ചാവുമായി രണ്ടുപേർ പിടിയിൽ

തളിപ്പറമ്പ്: ഇതരസംസ്ഥാന തൊഴിലാളികൾ താമസിക്കുന്ന ക്വാർട്ടേഴ്സുകളിൽ കഞ്ചാവ് വിതരണം ചെയ്യുന്ന രണ്ടുപേരെ തളിപ്പറമ്പ് പൊലീസ് അറസ്റ്റ് ചെയ്തു. പാപ്പിനിശ്ശേരി റെയിൽവേ ഗേറ്റിനു സമീപത്തെ മുത്തത്ത് വീട്ടിൽ ആബിദ് (37), നടുവിൽ വാലിലകത്ത് ഷെറീഫ് (18) എന്നിവരെയാണ് കടമ്പേരിയിൽ നിന്ന് പിടികൂടിയത്. ഇവരിൽനിന്നും എട്ട് പാക്കറ്റുകളിലാക്കിയ കഞ്ചാവ് പിടിച്ചെടുത്തു. ഡിവൈ.എസ്.പി കെ.വി. വേണുഗോപാലിന് ലഭിച്ച രഹസ്യവിവരത്തെ തുടർന്ന് സ്ക്വാഡ് അംഗങ്ങളായ സിറാജ്, മുനീർ എന്നിവരും എസ്.ഐ പ്രശോഭും ചേർന്നാണ് പിടികൂടിയത്.