പ്രതിയെ മോചിപ്പിച്ച കേസിൽ രണ്ടുപേർ കൂടി അറസ്​റ്റിൽ

ശ്രീകണ്ഠപുരം: കുന്നത്തൂരിൽ എക്സൈസ് സംഘത്തെ ആക്രമിച്ച് മദ്യ വിൽപനക്കാരനെ മോചിപ്പിച്ച കേസിൽ രണ്ടു പേരെ കൂടി അറസ്റ്റ് ചെയ്തു. കുന്നത്തൂരിലെ കുഴിഞ്ഞാലിൽ ജോസ് മാത്യു (58), മംഗലത്ത് വർക്കി (56) എന്നിവരെയാണ് പയ്യാവൂർ എസ്.ഐ ജോൺസൺ ടി. സക്കറിയാസ് അറസ്റ്റ് ചെയ്തത്. കഴിഞ്ഞ ഡിസംബർ 18ന് കുന്നത്തൂർപാടി ഉത്സവ സ്ഥലത്തിന് സമീപം മദ്യ വിൽപന നടത്തുകയായിരുന്ന കുന്നത്തൂരിലെ കുഴിഞ്ഞാലിൽ മനീഷിനെ എക്സൈസ് പിടികൂടിയിരുന്നു. ഇയാളെ വാഹനത്തിൽ കയറ്റാൻ ശ്രമിക്കുമ്പോൾ ഒരു സംഘം എക്സൈസ് ഉദ്യോഗസ്ഥരെ ആക്രമിച്ച് മോചിപ്പിക്കുകയായിരുന്നു. കേസിൽ 13 പേരെ നേരത്തെ അറസ്റ്റ് ചെയ്തിരുന്നു. പ്രതികളെ തളിപ്പറമ്പ് കോടതി റിമാൻഡ് ചെയ്തു.