വാരപ്പീടിക-മഞ്ഞളാംപുറം റോഡ് നവീകരണം: സംഘാടകസമിതി രൂപവത്​കരിച്ചു

കേളകം: വാരപ്പീടിക-മഞ്ഞളാംപുറം റോഡ് നവീകരണ സംഘാടകസമിതി രൂപവത്കരണം പെരുന്തോടി എ.യു.പി സ്‌കൂളില്‍ നടന്നു. കണിച്ചാര്‍ ഗ്രാമപഞ്ചായത്ത് പ്രസിഡൻറ് സെലിന്‍ മാണി അധ്യക്ഷതവഹിച്ചു. കെ.പി. സുരേഷ്കുമാര്‍, അസിസ്റ്റൻറ് എക്‌സി. എൻജിനീയര്‍ കെ.വി. ശശി, ഗീത ജയരാജന്‍, ഷൈനി ബ്രിട്ടോ, വി.ജി. പത്മനാഭന്‍, അഡ്വ. എം. രാജന്‍, എം.എസ്. വാസുദേവന്‍ എന്നിവര്‍ പങ്കെടുത്തു. പ്രവൃത്തി ഉദ്ഘാടനം 29ന് വൈകീട്ട് നാലിന് പെരുന്തോടി എ.യു.പി സ്‌കൂളില്‍ മന്ത്രി ജി. സുധാകരന്‍ ഉദ്ഘാടനം നിർവഹിക്കും. മന്ത്രി ഇ.പി. ജയരാജന്‍ അധ്യക്ഷതവഹിക്കും. ഭാരവാഹികൾ: കെ.പി. സുരേഷ്കുമാർ (ചെയർ.), സെലിന്‍ മാണി, മൈഥിലി രമണന്‍ (വൈസ് ചെയർ.), ആൻറണി സെബാസ്റ്റ്യൻ (കണ്‍.), ഷൈനി ബ്രിട്ടോ, ഗീത ജയരാജ് (ജോ. കൺ.).