ഇരിക്കൂറിൽ സ്ഫോടകവസ്തുക്കൾ പിടികൂടി; രണ്ടുപേർ പിടിയിൽ

ഇരിക്കൂർ: പടിയൂർ ഞാലിൽ താമസസ്ഥലത്തുനിന്ന് സ്േഫാടകവസ്തുക്കൾ പിടികൂടി. ജയൻ എന്നയാളുടെ റൂമിൽനിന്നാണ് വെള്ളിയാഴ്ച രാത്രി 7.30ഒാടെ സ്ഫോടകവസ്തുക്കൾ കണ്ടെടുത്തത്. ജയ​െൻറ കൂടെ താമസിക്കുന്ന തിരുവനന്തപുരം നെടുമങ്ങാട് സ്വദേശി ബിജു (38), കൊല്ലം ഇളവുപാലം സ്വദേശി ബിജു (39) എന്നിവരെ കസ്റ്റഡിയിലെടുത്തു. വീട്ടുടമ ജയൻ (49) രക്ഷപ്പെെട്ടന്ന് പൊലീസ് പറഞ്ഞു. രണ്ട് കടലാസ് പൊതികളിലും പാക്കറ്റിലും നിറച്ച സാധനങ്ങളാണ് കണ്ടെടുത്തത്. ഓരോ പൊതികൾക്കും 250 ഗ്രാം തൂക്കമുണ്ടാവും. പന്നിപ്പടക്കം, വെടിമരുന്ന്, ഗന്ധകം തുടങ്ങിയ സാധനങ്ങളാണെന്ന് പൊലീസ് പറഞ്ഞു. ഇരിക്കൂർ സ്റ്റേഷനിലെ എസ്.ഐ രാധാകൃഷ്ണൻ, എ.എസ്.ഐ അക്ബർ എന്നിവരുടെ നേതൃത്വത്തിലുള്ള പൊലീസ് സംഘമാണ് സ്ഫോടകവസ്തുക്കൾ പിടികൂടിയത്.