ശബരിമല: കുഴപ്പങ്ങൾക്ക് കാരണം പാർട്ടി -ഉമ്മൻ ചാണ്ടി

കേളകം: ശബരിമല വിഷയത്തിൽ സി.പി.എം പാർട്ടി കാഴ്ചപ്പാട് ജനങ്ങളിൽ അടിച്ചേൽപിക്കാൻ ശ്രമിച്ചതാണ് കുഴപ്പങ്ങൾക്ക് കാരണമെന്ന് എ.ഐ.സി.സി ജനറൽ െസക്രട്ടറി ഉമ്മൻ ചാണ്ടി. ചുങ്കക്കുന്നിൽ യൂത്ത് കോൺഗ്രസ് ഓഫിസ് ഉദ്ഘാടനം ചെയ്യുകയായിരുന്നു അദ്ദേഹം. ശബരിമലയിൽ വിശ്വാസം ഹനിക്കപ്പെട്ടു. യു.ഡി.എഫ് നൽകിയ സത്യവാങ്മൂലം സുപ്രീം കോടതിയിൽ പിൻവലിച്ചത് വിനയായെന്നും അദ്ദേഹം പറഞ്ഞു. ഡി.സി.സി പ്രസിഡൻറ് സതീശന്‍ പാച്ചേനി അധ്യക്ഷതവഹിച്ചു. സണ്ണിജോസഫ് എം.എല്‍.എ മുഖ്യപ്രഭാഷണം നടത്തി. ഡി.സി.സി വൈസ് പ്രസിഡൻറ് ചന്ദ്രന്‍ തില്ലങ്കേരി, യൂത്ത് കോണ്‍ഗ്രസ് കണ്ണൂര്‍ ലോക്സഭ പ്രസിഡൻറ് റിജില്‍ മാക്കുറ്റി, ബ്ലോക്ക് കോണ്‍ഗ്രസ് പ്രസിഡൻറ് സണ്ണി മേച്ചേരി, ഡി.സി.സി സെക്രട്ടറിമാരായ പി.സി. രാമകൃഷ്ണൻ, ലിസി ജോസഫ്, മണ്ഡലം പ്രസിഡൻറ് ശശീന്ദ്രന്‍ തുണ്ടിത്തറ, കൊട്ടിയൂര്‍ ഗ്രാമപഞ്ചായത്ത് പ്രസിഡൻറ് ഇന്ദിര ശ്രീധരൻ, ബ്ലോക്ക് പഞ്ചായത്തംഗം മാത്യു പറമ്പൻ, യൂത്ത് കോണ്‍ഗ്രസ് ജില്ല സെക്രട്ടറി ജൂബിലി ചാക്കോ, ബ്ലോക്ക് പ്രസിഡൻറ് എം. അജേഷ്, മണ്ഡലം പ്രസിഡൻറ് രജീഷ് കുളങ്ങര, ബ്ലോക്ക് സെക്രട്ടറി സോനു വല്ലത്തുകാരൻ, ചുങ്കക്കുന്ന് യൂനിറ്റ് പ്രസിഡൻറ് നിഖില്‍ പള്ളിക്കമാലില്‍ എന്നിവര്‍ സംസാരിച്ചു.