അതിർത്തിത്തർക്കം: മർദനത്തിൽ പരിക്ക്

കൂത്തുപറമ്പ്: ടൗണിലെ എലിപ്പറ്റിച്ചിറക്കു സമീപം അതിർത്തിത്തർക്കത്തെ തുടർന്നുള്ള മർദനത്തിൽ പരിക്കേറ്റ അഞ്ചുപേർ താലൂക്ക് ആശുപത്രിയിൽ ചികിത്സ തേടി. മഞ്ഞക്കര വീട്ടിൽ എ. റോജ (45), മാതാവ് രോഹിണി (75), ഭർത്താവ് വിജയൻ (63) എന്നിവരും സമീപത്തെ ബാലചന്ദ്രൻ, മകൻ കേതൻ എന്നിവരുമാണ് ചികിത്സയിലുള്ളത്. ശനിയാഴ്ച ഉച്ചയോടെ രണ്ട് കുടുംബത്തിൽപെട്ടവർ തമ്മിലുണ്ടായ പ്രശ്നങ്ങളാണ് മർദനത്തിൽ കലാശിച്ചത്. കൂത്തുപറമ്പ് പൊലീസിൽ പരാതി നൽകി.