ആദ്യക്ഷരം കുറിക്കാൻ ക്ഷേത്രങ്ങളിൽ കുരുന്നുകളുടെ തിരക്ക്

കല്യാശ്ശേരി: വിജയദശമി നാളിൽ ആദ്യക്ഷരം കുറിക്കാൻ ക്ഷേത്രങ്ങളിൽ കുരുന്നുകളുടെ നീണ്ടതിരക്ക്. കല്യാശ്ശേരി കാഞ്ഞിരംകുന്ന് പൊയ്യിൽ ഭഗവതി ക്ഷേത്രത്തിൽ നടന്ന വിദ്യാരംഭ ചടങ്ങിന് ക്ഷേത്രം മേൽശാന്തി മാടമനയില്ലത്ത് മണികണ്ഠൻ നമ്പൂതിരി നേതൃത്വം നൽകി. കല്യാശ്ശേരി മണക്കുളങ്ങര ഭഗവതി ക്ഷേത്രത്തിൽ മേൽശാന്തി കിഴക്കേ മാങ്ങാട്ടില്ലത്തെ കൃഷ്ണൻ നമ്പൂതിരി നേതൃത്വം നൽകി. മാങ്ങാട് തിരുവമ്പാടി ശ്രീകൃഷ്ണ ക്ഷേത്രത്തിൽ കിഴക്കില്ലം കൃഷ്ണൻ നമ്പൂതിരി മുഖ്യ കാർമികത്വം വഹിച്ചു. അരോളി വടേശ്വരം ശിവക്ഷേത്രം, കല്യാശ്ശേരി സെൻട്രൽ കരിക്കാട്ട് മടപ്പുര മുത്തപ്പൻ ക്ഷേത്രം, പറശ്ശിനിക്കടവ് മുത്തപ്പൻ മടപ്പുര, മാങ്ങാട് തേറാറമ്പ് മഹാദേവ ക്ഷേത്രം എന്നിവിടങ്ങളിലും ആദ്യക്ഷരം കുറിക്കാൻ നിരവധിപേർ എത്തി.