പുതിയങ്ങാടി ജമാഅത്ത് ഹയർ സെക്കൻഡറിയിൽ ഭക്ഷ്യദിനാഘോഷം

പഴയങ്ങാടി: പുതിയങ്ങാടി ജമാഅത്ത് ഹയർ സെക്കൻഡറി സ്‌കൂൾ എൻ.എസ്.എസ് യൂനിറ്റ് ഭക്ഷ്യദിനം ആഘോഷിച്ചു. എൻ.എസ്.എസ് വളൻറിയർമാർ പാകംചെയ്ത വിഭവങ്ങൾ, പാനീയങ്ങൾ തുടങ്ങിയവ നിരത്തിയ സ്റ്റാളുകളിൽ ആവശ്യക്കാരേറി. സ്റ്റാളുകളിൽനിന്ന് ലഭിച്ച വരുമാനം എൻ.എസ്.എസ് ദത്തെടുത്ത ഗ്രാമത്തിലെ െതരഞ്ഞെടുത്ത കുടുംബങ്ങൾക്കായി കൈത്താങ്ങ് പദ്ധതിയിലേക്ക് നൽകി. സ്റ്റാളുകളുടെ ഉദ്ഘാടനം പ്രധാനാധ്യാപകൻ സുബൈർ നിർവഹിച്ചു. എൻ.എസ്.എസ് പ്രോഗ്രാം ഒാഫിസർ ബഷീർ, മറ്റ് അധ്യാപകരായ നവാസ്, ഷബീർ, സഹദ്, ഷൈനി, മുഹമ്മദ് എന്നിവർ സംബന്ധിച്ചു. എൻ.എസ്.എസ് വളൻറിയർമാരായ സിതാര, അമാന, റുഷ്ദ, ഹിബ എന്നിവർ നേതൃത്വം നൽകി.