കൊട്ടിയൂരിന്​ കൈത്താങ്ങായി മുംബൈ മിറാ റോഡ് മലയാളിസമാജം

കൊട്ടിയൂര്‍: ദുരിതബാധിതര്‍ക്ക് സഹായഹസ്തവുമായി മുംബൈ മിറാ റോഡ് മലയാളിസമാജം പ്രവര്‍ത്തകര്‍. ദുരിതബാധിതരെ നേരില്‍കണ്ട് സഹായമെത്തിക്കാനാണ് പ്രവര്‍ത്തകരുടെ തീരുമാനം. മുംബൈ മിറാ റോഡ് ആസ്ഥാനമായി പ്രവര്‍ത്തിക്കുന്ന മലയാളി സമാജം പ്രവര്‍ത്തകരാണ് കേരളത്തിലെ ദുരിതബാധിതരെ സഹായിക്കുന്നതിനായി രംഗത്തെത്തിയിരിക്കുന്നത്. സ്ഥലം എം.എല്‍.എ നരേന്ദ്ര മേത്തയോട് കേരളത്തിലെ ദുരിതബാധിതരെ സഹായിക്കുന്നതിന് സഹായം നല്‍കണമെന്ന് മലയാളി സമാജം അഭ്യർഥിച്ചതി​െൻറ ഭാഗമായി 40 ലക്ഷം രൂപയാണ് ദുരിതബാധിതരെ സഹായിക്കാന്‍ അനുവദിച്ചത്. ഇവ മലയാളി സമാജത്തി​െൻറ 15 അംഗ കമ്മിറ്റിയെ ഏല്‍പിച്ച് കേരളത്തിലെ നാല് ഏരിയകളിലുള്ള ദുരിതബാധിതരെ നേരില്‍ കണ്ടെത്തി സഹായം കൈമാറുന്നതി​െൻറ ഭാഗമായാണ് പ്രവര്‍ത്തകര്‍ കൊട്ടിയൂരിലെത്തിയത്. കൊട്ടിയൂര്‍ എസ്.എന്‍.ഡി.പി ഭാരവാഹികളുടെയും പഞ്ചായത്തി​െൻറയും സഹായത്തോടെ ദുരിതബാധിതരെ നേരില്‍കണ്ടാണ് സഹായമെത്തിക്കുന്നത്. സമാജം ഭാരവാഹികളായ സുരേഷ് ഉണ്ണിത്താന്‍, ഷൈലജ വിജയന്‍, ഗിരിജ പണിക്കര്‍, രാധാകൃഷ്ണന്‍ എന്നിവരാണ് കൊട്ടിയൂരിലെത്തിയത്.