ഇന്ധന വിലവർധനക്കെതിരെ പ്രതിഷേധം

കേളകം: ചുങ്കക്കുന്ന് യൂത്ത് കോൺഗ്രസ്‌ യൂനിറ്റി​െൻറ നേതൃത്വത്തിൽ ഇന്ധന വിലവർധനവിൽ പ്രതിഷേധിച്ച് പ്രകടനം നടത്തി. യൂനിറ്റ് രൂപവത്കരണ യോഗം സണ്ണി ജോസഫ് എം.എൽ.എ ഉദ്ഘാടനം ചെയ്തു. കൊട്ടിയൂർ ഗ്രാമപഞ്ചായത്ത്‌ വൈസ് പ്രസിഡൻറ് റോയി നമ്പുടാകം അധ്യക്ഷത വഹിച്ചു. ജില്ല പഞ്ചായത്തംഗം സണ്ണി മേച്ചേരി, ഡി.സി.സി സെക്രട്ടറി പി.സി. രാമകൃഷ്ണൻ, കോൺഗ്രസ്‌ മണ്ഡലം പ്രസിഡൻറ് ശശീന്ദ്രൻ തൊണ്ടിത്തറ, തോമസ് പോൾ വെട്ടികാപ്പള്ളിൽ, ബാബു മാങ്കോട്ടിൽ, അഗസ്റ്റിൻ വടക്കയിൽ, മാത്യു പറമ്പിൽ എന്നിവർ സംസാരിച്ചു. 11 അംഗ യൂത്ത് കോൺഗ്രസ്‌ കമ്മിറ്റിയെ തെരഞ്ഞെടുത്തു.