ദുരിതാശ്വാസനിധിയിലേക്ക് ഒരുമാസത്തെ വേതനം

കണ്ണൂർ: മുഖ്യമന്ത്രിയുടെ ദുരിതാശ്വാസനിധിയിലേക്ക് ചെറുകുന്ന് ഗ്രാമപഞ്ചായത്ത് ഭരണസമിതി മെംബർമാരുടെ ഒരുമാസത്തെ ഒാണറേറിയവും ജീവനക്കാരുടെ ഒരുമാസത്തെ വേതനവും കൈമാറി. പഞ്ചായത്ത് സെക്രട്ടറി പി.പി. ഉഷ ഗ്രാമപഞ്ചായത്ത് പ്രസിഡൻറ് പി.കെ. അസ്സൻകുഞ്ഞി മാസ്റ്റർക്ക് തുക കൈമാറി. ചടങ്ങിൽ ചെറുകുന്ന് കൃഷി ഓഫിസ് ജീവനക്കാരുടെ ഒരുമാസത്തെ വേതനം കൃഷി ഓഫിസറിൽനിന്ന് പ്രസിഡൻറ് ഏറ്റുവാങ്ങി. തുക സെപ്റ്റംബർ 11ന് ചെറുകുന്ന് ബോർഡ് സ്കൂളിൽ നടക്കുന്ന ചടങ്ങിൽ മന്ത്രി ഇ.പി. ജയരാജന് പഞ്ചായത്ത് പ്രസിഡൻറ് കൈമാറും.