പ്രളയദുരിതാശ്വാസ ഫണ്ടിൽ കുടക്, തീരദേശ ജില്ലകൾക്ക് പ്രാമുഖ്യം നൽകും -കുമാരസ്വാമി

മംഗളൂരു: പ്രളയദുരിതാശ്വാസഫണ്ട് വിതരണത്തിൽ കുടക്, ദക്ഷിണ കന്നട, ഉഡുപ്പി ജില്ലകൾക്ക് പ്രാമുഖ്യം നൽകുമെന്ന് മുഖ്യമന്ത്രി എച്ച്.ഡി. കുമാരസ്വാമി പറഞ്ഞു. മണിപ്പാലിൽ പ്രകൃതിദുരന്തനഷ്ടം വിലയിരുത്താൻ ചേർന്ന അവലോകനയോഗശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. ഉഡുപ്പി ജില്ലയിൽ 141 കോടി രൂപയുടെ നഷ്ടമാണുണ്ടായത്. 14 കോടി രൂപ ഇതിനകം അനുവദിച്ചതായി മുഖ്യമന്ത്രി അറിയിച്ചു. ജില്ല ചുമതലയുള്ള മന്ത്രി ഡോ. ജയമാല, ജെ.ഡി.എസ് സംസ്ഥാന ജനറൽ സെക്രട്ടറി ബി.എം. ഫാറൂഖ്, കോട്ട ശ്രീനിവാസ പൂജാരി എന്നിവർ സംസാരിച്ചു.