പഴകിയഭക്ഷണം പിടികൂടി

ഇരിട്ടി: ഇരിട്ടിയിൽ ആരോഗ്യവകുപ്പ് നടത്തിയ മിന്നൽ പരിശോധനയിൽ നഗരത്തിലെ ഹോട്ടലുകളിൽനിന്നും ബേക്കറികളിൽനിന്നും പഴകിയ ഭക്ഷ്യസാധനങ്ങൾ പിടിച്ചെടുത്തു. നഗരസഭ ആരോഗ്യവകുപ്പി​െൻറ നേതൃത്വത്തിലായിരുന്നു പരിശോധന. ഉപയോഗിച്ചതിനുശേഷം സൂക്ഷിച്ച പഴകിയ എണ്ണ, പഴകിയ ഭക്ഷണസാധനങ്ങൾ, നിരോധിത പ്ലാസ്റ്റിക് കാരിബാഗ് തുടങ്ങിയവ പിടിച്ചെടുത്തു. അടുക്കളയും പരിസരവും വൃത്തിഹീനമായനിലയിൽ കണ്ടെത്തിയതിനെ തുടർന്ന് ആരോഗ്യവകുപ്പ് നോട്ടീസ് നൽകി. ഹെൽത്ത് ഇൻസ്പെക്ടർ പി.പി. ബൈജു, ജൂനിയർ ഹെൽത്ത് ഇൻസ്പെക്ടർമായ പി.പി. അജയകുമാർ, എം.ജെ. അനിത, എ.കെ. അജേഷ്, കെ. അഖിൽ എന്നിവരുടെ നേതൃത്വത്തിലാണ് പരിശോധന നടത്തിയത്്. വരുംദിവസങ്ങളിലും പരിശോധന തുടരുമെന്ന് ആരോഗ്യവകുപ്പ് അധികൃതർ പറഞ്ഞു.