ദുരിതാശ്വാസ നിധി: ഒരു മാസ ശമ്പളം നൽകി ആയുഷ് ഡോക്ടർമാരും

കണ്ണൂർ: എ​െൻറ ഒരു മാസം കേരളത്തിന് പദ്ധതി പ്രകാരം ആയുഷ് വകുപ്പിലെ ഡോക്ടർമാർ ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി. ആയുർവേദ, ഹോമിയോ, സിദ്ധ, യുനാനി വിഭാഗങ്ങളിലെ 86 ഡോക്ടർമാരാണ് സമ്മതപത്രം കൈമാറിയത്. ജില്ല പഞ്ചായത്ത് പ്രസിഡൻറ് കെ.വി. സുമേഷ്, ജില്ല കലക്ടർ മിർ മുഹമ്മദലി എന്നിവർ സമ്മതപത്രം സ്വീകരിച്ചു. ആയുർവേദ ഡി.എം.ഒ ഡോ. എസ്.ആർ. ബിന്ദു, ഹോമിയോ ഡി.എം.ഒ ഡോ. ബിജുകുമാർ, എൻ.എച്ച്.എം ജില്ല പ്രോജക്ട് മാനേജർ ഡോ. കെ.വി. ലതീഷ്, നാഷനൽ ആയുഷ് മിഷൻ ഡി.പി.എം ഡോ. കെ.സി. അജിത് കുമാർ തുടങ്ങിയവർ സംബന്ധിച്ചു.