സ്വകാര്യ കണ്ടൽ വനങ്ങൾ സർക്കാർ ഏറ്റെടുക്കുന്നു

കണ്ണൂർ: 'മിഷൻ മാൻഗ്രൂവ്' പദ്ധതിയുടെ കീഴിൽ ജില്ലയിലെ സ്വകാര്യ കണ്ടൽ വനങ്ങൾ സർക്കാർ ഏറ്റെടുക്കാൻ കേരള വനം-വന്യജീവി വകുപ്പ് പദ്ധതി ആവിഷ്കരിച്ചു. ഇതി​െൻറ ഭാഗമായി കണ്ടൽ വനങ്ങൾ കൈവശമുള്ള, താൽപര്യമുള്ള വ്യക്തികൾ, സന്നദ്ധ സംഘടനകൾ എന്നിവർ സെപ്റ്റംബർ 13ന് രാവിലെ 11ന് കണ്ണോത്തുംചാലിലെ ഫോറസ്റ്റ് കോൺഫറൻസ് ഹാളിൽ ജില്ല കലക്ടറുടെ അധ്യക്ഷതയിൽ ചേരുന്ന യോഗത്തിൽ പങ്കെടുക്കണം. യോഗത്തിൽ വരുന്നവർ കൈവശമുള്ള സ്ഥലത്തി​െൻറ വിശദ വിവരങ്ങൾ (വിസ്തീർണം, സർവേ നമ്പർ, വില്ലേജ്) കരുതണം.