വ്യാജ പ്രചാരണം തിരിച്ചറിയണമെന്ന്

പയ്യന്നൂർ: തായിനേരി എസ്.എ.ബി.ടി.എം ഹയർ സെക്കൻഡറി സ്കൂളിലെ ഓണത്തോടനുബന്ധിച്ച് ലഭിച്ച അരി ദുരിതാശ്വാസ ക്യാമ്പുകളിലെത്തിക്കുന്നതിന് ക്ലബുകളെ ഏൽപിച്ചതുമായി ബന്ധപ്പെട്ട വിവാദത്തിൽ മുസ്ലിം ലീഗിനെതിരെ നടത്തുന്ന പ്രചാരണം തിരിച്ചറിയണമെന്ന് ലീഗ് നേതാക്കൾ ആവശ്യപ്പെട്ടു. ഗ്രീൻ സ്റ്റാർ ക്ലബിന് നൽകിയ അരി ക്യാമ്പിലെത്തിക്കാൻ രണ്ടു ദിവസം വൈകിയത് വിവാദമാക്കുകയാണ് ചിലർ. ഇതുമായി ബന്ധപ്പെട്ട വ്യാജ പ്രചാരണം പ്രതിഷേധാർഹമാണെന്ന് ലീഗ് നേതാക്കൾ പറഞ്ഞു.