വീട്ടുമുറ്റത്ത് നിർത്തിയിട്ട കാര്‍ മോഷ്​ടിച്ചു

ചെറുപുഴ: വീട്ടുമുറ്റത്ത് നിര്‍ത്തിയിട്ടിരുന്ന കാര്‍ മോഷ്ടിച്ചതായി പരാതി. വ്യാഴാഴ്ച പുലര്‍ച്ച 3.15ഓടെയായിരുന്നു സംഭവം. പുളിങ്ങോം വാഴക്കുണ്ടത്തെ പല്ലാട്ട് റോബി​െൻറ കാറാണ് മോഷ്ടിച്ചത്. അടുത്തിടെ വാങ്ങിയ കര്‍ണാടക രജിസ്ട്രേഷനിലുള്ള ടൊയോട്ട കാറാണ് മോഷ്ടിച്ചത്. കാര്‍ സ്റ്റാര്‍ട്ടാകുന്ന ശബ്ദം കേട്ട് റോബി​െൻറ ഭാര്യ ജനല്‍ തുറന്ന് നോക്കുമ്പോള്‍ കാര്‍ ഓടിച്ചുപോകുന്നതായി കാണുകയായിരുന്നു. റോബിന്‍ ചെറുപുഴ പൊലീസ് സ്റ്റേഷനിലെത്തി പരാതി നല്‍കി. എസ്.ഐ എം.എന്‍. ബിജോയിയുടെ നേതൃത്വത്തില്‍ അന്വേഷണം തുടങ്ങി.