തളിപ്പറമ്പ് താലൂക്ക് തല അദാലത്ത് 15ന്

തളിപ്പറമ്പ്: വിവിധ വകുപ്പുകളുമായി ബന്ധപ്പെട്ട് പൊതുജനങ്ങളുടെ പരാതികളും ആക്ഷേപങ്ങളും പരിഹരിക്കാൻ തളിപ്പറമ്പ് താലൂക്ക് തല അദാലത്ത് ഈ മാസം 15ന് രാവിലെ 10.30 മുതൽ താലൂക്ക് ഓഫിസിൽ നടക്കും. അപേക്ഷകളും പരാതികളും 13ന് വൈകീട്ട് അഞ്ച് വരെ ഓഫിസിലും താലൂക്ക് പരിധിയിലെ എല്ലാ വില്ലേജ് ഓഫിസുകളിലും സ്വീകരിക്കും. അന്നേ ദിവസം കലക്ടർ നേരിട്ടും അപേക്ഷ സ്വീകരിക്കും. മുഖ്യമന്ത്രിയുടെ ദുരിതാശ്വാസ നിധിയിൽ നിന്നുള്ള ചികിത്സ ധനസഹായം, റേഷൻ കാർഡ്, സർവേ എന്നിവ സംബന്ധിച്ച അപേക്ഷ സ്വീകരിക്കില്ല. മാലിന്യ സംസ്കരണ സംവിധാനം ഒരുക്കണം തളിപ്പറമ്പ്: നഗരസഭയിലെ കച്ചവടസ്ഥാപനങ്ങൾ, ഹോട്ടൽ, ഷോപ്പിങ് മാളുകൾ, ഷോപ്പിങ് കോംപ്ലക്സുകൾ, ഓഡിറ്റോറിയങ്ങൾ എന്നിവ ഉൾപ്പെടെയുള്ള സ്ഥാപനങ്ങൾ ഈ മാസം 15നകം മാലിന്യ സംസ്കരണ സംവിധാനം ഒരുക്കണം. അല്ലാത്തപക്ഷം ലൈസൻസ് റദ്ദാക്കുമെന്ന് നഗരസഭ സെക്രട്ടറി അറിയിച്ചു.