വിവാഹവേദിയില്‍​െവച്ച് ദുരിതാശ്വാസ നിധിയിലേക്ക് സഹായം

കൊട്ടിയൂര്‍: വിവാഹവേദിയില്‍െവച്ച് ദുരിതാശ്വാസ നിധിയിലേക്ക് സഹായധനം കൈമാറി. കൊട്ടിയൂര്‍ സ്വദേശി വി.ആര്‍. ഷാജി--ഉഷ ദമ്പതികളുടെ മകള്‍ ആതിരയുടെയും മേനച്ചോടി സ്വദേശി എം.കെ. ചന്ദ്ര​െൻറയും സാവിത്രിയുടെയും മകന്‍ അർജുന്‍ ചന്ദ്ര​െൻറയും വിവാഹ വേദിയാണ് വ്യത്യസ്തമായ കാരുണ്യ പ്രവര്‍ത്തനത്തിന് സാക്ഷ്യം വഹിച്ചത്. വധുവി​െൻറയും വര​െൻറയും വീട്ടുകാര്‍ ആലോചിച്ച് ഉറപ്പിച്ച് വിവാഹം ലളിതമാക്കിയാണ് 2,90,000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്കും 50000രൂപ കൊട്ടിയൂര്‍ പുനര്‍നിർമാണ കമ്മിറ്റി ഫണ്ടിലേക്കും നല്‍കിയത്. കോളയാട് പഞ്ചായത്ത് പ്രസിഡൻറ് കെ.പി. സുരേഷ്‌കുമാറും കൊട്ടിയൂര്‍ പഞ്ചായത്ത് പ്രസിഡൻറ് ഇന്ദിര ശ്രീധരനും ചേര്‍ന്നാണ് ബന്ധുക്കളില്‍നിന്ന് 3,40,000രൂപ ഏറ്റുവാങ്ങിയത്. കൊട്ടിയൂര്‍ സെക്ഷൻ ഫോറസ്റ്റ് ഓഫിസറാണ് വി.ആര്‍. ഷാജി. ഭാര്യ ഉഷ കൊട്ടിയൂര്‍ ഗ്രാമപഞ്ചായത്ത് അംഗവുമാണ്.