പൊയ്യമല കുടിവെള്ളപദ്ധതി പുനർനിർമിക്കണമെന്ന്​

കേളകം: പ്രളയത്തിൽ തകർന്ന പൊയ്യമല കുടിവെള്ളപദ്ധതി ഉടൻ പുനർനിർമിക്കണമെന്ന് നാട്ടുകാർ. പ്രദേശത്തെ നിരവധി കുടുംബങ്ങളുടെ കുടിവെള്ളം മുട്ടിയിരിക്കുകയാണ്. ബാവലിപ്പുഴ കവിഞ്ഞതിനെ തുടർന്നാണ് കുടിവെള്ള പദ്ധതി തകർച്ചയിലായത്. വെള്ളപ്പൊക്കത്തിൽ പുഴയുടെ പാർശ്വഭിത്തി ഒലിച്ച് പോയതാണ് പ്രതിസന്ധിക്ക് കാരണം. 20 ലക്ഷം രൂപ െചലവിട്ടാണ് പദ്ധതി സ്ഥാപിച്ചത്. പുഴയുടെ പാർശ്വഭിത്തി തകർന്നതോടെ കൊട്ടിയൂർ സമാന്തരപാതക്കും ഭീഷണിയായിട്ടുണ്ട്.