കൊട്ടിയൂർ-വയനാട് ചുരം പാതയിൽ വാഹനങ്ങൾ നുഴഞ്ഞുകയറിയാൽ നടപടി

കൊട്ടിയൂര്‍: മണ്ണിടിച്ചിലില്‍ തകര്‍ന്ന അമ്പായത്തോട്-പാല്‍ചുരം-ബോയ്സ് ടൗണ്‍ റോഡിൽ വാഹന ഗതാഗതം ജില്ല കലക്ടര്‍ നിരോധിച്ചെങ്കിലും പല വാഹനങ്ങളും നുഴഞ്ഞുകയറുന്നത് നവീകരണ പ്രവൃത്തികൾക്ക് തടസ്സമാകുന്നു. അറ്റകുറ്റപ്പണികൾക്കിടെ വാഹനങ്ങൾ സഞ്ചരിക്കുന്നത് അപകടങ്ങള്‍ക്കും കാരണമാകുന്നുണ്ട്. അതിനാല്‍, നുഴഞ്ഞുകയറുന്ന വാഹനങ്ങള്‍ക്കെതിരെ നിയമ നടപടി സ്വീകരിക്കുമെന്ന് പി.ഡബ്ല്യു.ഡി ചുരം ഡിവിഷന്‍ അസി. എൻജിനീയര്‍ കെ.ഇ. പ്രശാന്ത് അറിയിച്ചു.