സർവകലാശാല ജീവനക്കാരുടെ നിരാഹാരം 28 ദിവസം പിന്നിട്ടു

സമരപ്പന്തലിൽ സണ്ണി ജോസഫ് എം.എൽ.എയെത്തി കണ്ണൂർ: കണ്ണൂർ യൂനിവേഴ്സിറ്റി സ്റ്റാഫ് ഒാർഗനൈസേഷ​െൻറ ആഭിമുഖ്യത്തിൽ സർവകലാശാല ജീവനക്കാർ നടത്തിവരുന്ന നിരാഹാര സമരം 28 ദിവസം പിന്നിട്ടു. ചൊവ്വാഴ്ച സണ്ണി ജോസഫ് എം.എൽ.എ സമരപ്പന്തലിലെത്തി െഎക്യദാർഢ്യം പ്രഖ്യാപിച്ചു. ഇരിക്കുന്ന കസേരയുടെ മാന്യത വൈസ് ചാൻസലർ നിലനിർത്തണെമന്നും ജീവനക്കാരുമായി സംസാരിച്ച് സമരം ഉടൻ തീർക്കാൻ നടപടി ഉണ്ടാവണെമന്നും അദ്ദേഹം ആവശ്യപ്പെട്ടു. അല്ലാത്തപക്ഷം നിരാഹാര സമരം പൊതുസമൂഹം ഏറ്റെടുത്ത് വിജയിപ്പിക്കുമെന്നും എം.എൽ.എ പറഞ്ഞു. ജയൻ ചാലിൽ, ഷാജി കരിപ്പത്ത്, കെ.പി.പ്രേമൻ എന്നിവർ സംസാരിച്ചു.