രവീന്ദ്രന്‍ വധം: വിചാരണ പത്തിലേക്ക് മാറ്റി

തലശ്ശേരി: കണ്ണൂര്‍ സെന്‍ട്രല്‍ ജയിലില്‍ സി.പി.എം പ്രവര്‍ത്തകന്‍ കക്കട്ട് അമ്പലക്കുളങ്ങരയിലെ കെ.പി. രവീന്ദ്രനെ (47) കൊലപ്പെടുത്തിയ കേസി​െൻറ വിചാരണ അഡീഷനല്‍ ജില്ല സെഷന്‍സ് കോടതി (ഒന്ന്) ജഡ്ജി പി.എന്‍. വിനോദ് തിങ്കളാഴ്ചത്തേക്ക് മാറ്റി. പ്രോസിക്യൂഷന്‍ വിസ്താരം പൂര്‍ത്തിയാക്കിയ സാക്ഷികളുടെ ക്രോസ്‌ വിസ്താരമാണ് ചൊവ്വാഴ്ച നിശ്ചയിച്ചത്. ഇതാണ് 10ലേക്ക് മാറ്റിയത്. ആർ.എസ്.എസ്-ബി.ജെ.പിക്കാരായ 31 പേരാണ് പ്രതികള്‍. പ്രോസിക്യൂഷന് വേണ്ടി സ്‌പെഷൽ പ്രോസിക്യൂട്ടര്‍ എം.കെ. ദിനേശന്‍, എന്‍. ഷംസുദ്ദീന്‍ എന്നിവരും പ്രതിഭാഗത്തിന് വേണ്ടി ബി.ജെ.പി സംസ്ഥാന പ്രസിഡൻറ് പി.എസ്. ശ്രീധരന്‍പിള്ള, ഭാസ്‌കരന്‍ നായര്‍ എന്നിവരും ഹാജരായി.