ഉത്തരവ് പരിഹാസ്യമെന്ന് ജീവനക്കാർ

മാഹി: പതിനഞ്ച് മാസമായി ശമ്പളം ലഭിക്കാത്ത പുതുച്ചേരി സംസ്ഥാനത്തെ പൊതുമേഖല-സ്വയംഭരണ മേഖലയിലെ ജീവനക്കാരോട് കേരളത്തിലെ പ്രളയ ദുരിതാശ്വാസ നിധിയിലേക്ക് ഒരു ദിവസത്തെ ശമ്പളം നൽകാൻ ആവശ്യപ്പെട്ടുള്ള ഉത്തരവ് പരിഹാസ്യമാണെന്ന് കൗൺസിൽ ഓഫ് സർവിസ് ഓർഗനൈസേഷൻസ് ആരോപിച്ചു. ജീവനക്കാരുടെ പ്രശ്നങ്ങൾ പ്രളയബാധിതരെപ്പോലെ തന്നെ കഷ്ടമാണ്. അതിനാൽ അവർക്ക് എത്രയും പെട്ടെന്ന് ശമ്പളം നൽകണമെന്ന് കൗൺസിൽ ഓഫ് സർവിസ് ഓർഗനൈസേഷൻസ് ആവശ്യപ്പെട്ടു. പ്രസിഡൻറ് കെ. രാധാകൃഷ്ണൻ അധ്യക്ഷത വഹിച്ചു. കെ. ഹരീന്ദ്രൻ, യു.പി. അശോകൻ, കെ.എം. പവിത്രൻ എന്നിവർ സംസാരിച്ചു.