തഹ്ഫീള് പദ്ധതിക്ക് തുടക്കം

ചൊക്ലി: ഡിസംബർ അവസാനവാരം നടക്കുന്ന എം.ടി.എം വാഫി കോളജ് ദശവാർഷിക സമ്മേളനത്തി​െൻറ ഭാഗമായി നടത്തുന്ന പത്തിന പദ്ധതികളിലെ 'തഹ്ഫീള്' പദ്ധതിക്ക് തുടക്കമായി. വിദ്യാർഥികൾക്ക് കോളജ് പഠനകാലയളവിൽ ഹിഫ്ള് പഠിക്കാൻ അവസരമൊരുക്കുന്ന പദ്ധതിയാണ് തഹ്ഫീള്. അൽ ഖാരിഅ ഹാഫിസ് ശഫീഖ് ദാരിമി തിക്കോടി പഠനാരംഭം കുറിച്ച് ഉദ്ഘാടനംചെയ്തു. കോളജ് പ്രിൻസിപ്പൽ സി.പി. അബ്ദുറസാഖ് വാഫി ആമുഖഭാഷണം നടത്തി. കോളജ് യൂനിയൻ ലിറ്റററി ക്ലബ് പുറത്തിറക്കിയ ആഗസ്റ്റ് റിവ്യൂ അബ്ദുനസീർ ഹാജി പ്ലാസ പ്രകാശനംചെയ്തു. എസ്.കെ. മുഹമ്മദ്, എം. അബ്ദുന്നാസർ ഹാജി, വൈ.എം. ഇസ്മാഈൽ ഹാജി, വൈ.എം. അലി ഹാജി, പി.കെ. യൂസുഫ് മാസ്റ്റർ, പി. ഇബ്രാഹീം ദാരിമി, കെ. നൗഫൽ മൗലവി, സുലൈമാൻ മാസ്റ്റർ, കെ. അസീസ് മാസ്റ്റർ എന്നിവർ സംസാരിച്ചു.