മാലിന്യസംസ്കരണ പ്ലാൻറ്​​ നിർമാണം തടഞ്ഞു

കേളകം: കണിച്ചാർ ഗ്രാമപഞ്ചായത്ത് കണിച്ചാർ സ​െൻറ് ജോർജ് പള്ളിക്ക് സമീപം നിർമിക്കുന്ന മാലിന്യസംസ്കരണ പ്ലാൻറി​െൻറ നിർമാണം നാട്ടുകാരുടെ നേതൃത്വത്തിൽ തടഞ്ഞു. ശിശുമന്ദിരം നിർമിക്കുന്നതിനായി സ​െൻറ് ജോർജ് പള്ളി പഞ്ചായത്തിന് സൗജന്യമായി നൽകിയ സ്ഥലത്താണ് ഇപ്പോൾ മാലിന്യ സംസ്കരണ പ്ലാൻറ് നിർമിക്കുന്നത്. സമീപത്തായി അംഗൻവാടിയും ഹോമിയോ ഡിസ്പെൻസറിയും പ്രവർത്തിക്കുന്നുണ്ട്. ശിശുമന്ദിരം സ്ഥാപിക്കാനായി നൽകിയ സ്ഥലത്ത് മാലിന്യസംസ്കരണ പ്ലാൻറ് നിർമിക്കുന്നത് ജനങ്ങളിൽ കടുത്ത പ്രതിഷേധത്തിനിടയാക്കി. നിർമാണം നാട്ടുകാർ തടഞ്ഞതോടെ പ്രവൃത്തി താൽക്കാലികമായി നിർത്തിെവച്ചു. ഇതിനെതിരെ കോടതിയിൽ കേസ് നിലനിൽക്കുന്നുണ്ട്. മാലിന്യസംസ്കരണ പ്ലാൻറ് സ്ഥാപിക്കുന്നതിനെക്കുറിച്ച് ആർക്കും അറിവുണ്ടായിരുന്നില്ലെന്നും വളരെ രഹസ്യമായാണ് പ്രവർത്തി നടത്തിയതെന്നും നാട്ടുകാർ ആരോപിച്ചു.