ലീഗ്​ ഒാഫിസിലെ സ്​ഫോടനം: പ്രതികളെ ഉടൻ പിടികൂടണം -സി.പി.എം

ഇരിട്ടി: ഇരിട്ടിയിലെ മുസ്ലിം ലീഗ് ഓഫിസിൽ നടന്ന സ്ഫോടനത്തെക്കുറിച്ചും ആയുധങ്ങൾ കണ്ടെത്തിയ സംഭവത്തെക്കുറിച്ചും വസ്തുനിഷ്ഠമായ അന്വേഷണം നടത്തി യഥാർഥവസ്തുത പുറത്തുകൊണ്ടുവരണമെന്ന് സി.പി.എം ഇരിട്ടി ഏരിയ കമ്മിറ്റി പ്രസ്താവനയിൽ ആവശ്യപ്പെട്ടു. ലീഗിൽ മിതവാദികളും അക്രമത്തിന് നേതൃത്വം നൽകുന്ന ചില പുതുതലമുറ നേതാക്കളുമുണ്ട്. അക്രമകാരികളെ കണ്ടെത്തി തള്ളിപ്പറയുന്നതിന് പകരം അത്തരമൊരു സംഭവമേ നടന്നില്ലെന്നു പറയുന്ന ലീഗ് നേതാക്കൾ നിയമവാഴ്ചയെ വെല്ലുവിളിക്കുകയാണ്. യഥാർഥ പ്രതികളെ അറസ്റ്റ് ചെയ്യാൻ പൊലീസ് അടിയന്തര നടപടി സ്വീകരിക്കണമെന്നും സി.പി.എം ഏരിയ സെക്രട്ടറി ബിനോയ് കുര്യൻ പ്രസ്താവനയിൽ പറഞ്ഞു.