തായിനേരി സ്കൂൾ സംഘർഷം; മൂന്ന്​ കേസുകൾ

പയ്യന്നൂർ: പയ്യന്നൂർ തായിനേരി എസ്.എ.ബി.ടി.എം ഹയർസെക്കൻഡറി സ്കൂളിൽ നടന്ന സംഘർഷവുമായി ബന്ധപ്പെട്ട് മൂന്ന് കേസുകൾ പയ്യന്നൂർ പൊലീസ് രജിസ്റ്റർചെയ്തു. പയ്യന്നൂർ മണ്ഡലം എം.എസ്.എഫ് ജനറൽ സെക്രട്ടറി റഹിസ് രാമന്തളി, രാമന്തളി പഞ്ചായത്ത് എ.എസ്.എഫ് പ്രസിഡൻറ് എം.കെ. ഷമ്മാസ് എന്നിവരെ കൊറ്റി റെയിൽവേ സ്റ്റേഷൻ പരിസരത്ത് െബെക്ക് തടഞ്ഞുനിർത്തി മർദിച്ച സംഭവത്തിൽ എസ്.എഫ്.ഐ, ഡി.വൈ.എഫ്.ഐ പ്രവർത്തകരായ 12 പേർക്കെതിരെ ജാമ്യമില്ലാവകുപ്പുകൾ പ്രകാരം കേസെടുത്തു. ശനിയാഴ്ച വൈകുന്നേരം പയ്യന്നൂരിലേക്ക് പോവുകയായിരുന്ന എം.എസ്.എഫ് നേതാക്കള ആറ് ബൈക്കുകളിൽ പിന്തുടർന്നെത്തിയവർ മാരകായുധങ്ങൾ ഉപയോഗിച്ച് മർദിക്കുകയായിരുന്നുവെന്നാണ് പരാതി. ഇവർ പയ്യന്നൂരിലെ സ്വകാര്യ ആശുപത്രിയിൽ ചികിത്സയിലാണ്. സ്കൂളിൽ എസ്.എഫ്.ഐ പ്രവർത്തകരെ മർദിച്ചതിന് ഒരുസംഘം എം.എസ്.എഫ് പ്രവർത്തകർക്കെതിരെ കേസെടുത്തു. മുസ്ലിംലീഗ് വനിത കൗൺസിലർ ഷമീമയെ വീടുവളഞ്ഞ് ആക്രമിച്ചുവെന്ന പരാതിയിൽ എസ്.എഫ്.ഐ, ഡി.വൈ.എഫ്.ഐ പ്രവർത്തകർക്കെതിരെ മറ്റൊരു കേസും രജിസ്റ്റർചെയ്തു.