ദുരിതാശ്വാസ നിധിയിലേക്ക്​ സഹായം

പേരാവൂർ: നവകേരള നിർമാണത്തി​െൻറ ഭാഗമാകാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് തട്ടുകട ഉടമയും ജീവനക്കാരും. പേരാവൂർ കാഞ്ഞിരപ്പുഴയോരത്തെ മലബാർ കേഫ തട്ടുകട ഉടമ അലിയും ജീവനക്കാരുമാണ് ഒരുദിവസത്തെ വിറ്റുവരവും കൂലിയും സമാഹരിച്ച് 20,000 രൂപ ദുരിതാശ്വാസ നിധിയിലേക്ക് നൽകിയത്. കൂടാതെ തട്ടുകടയിലെ ഇതരസംസ്ഥാന തൊഴിലാളികളടക്കം എല്ലാവരും ഒരുമാസത്തെ ശമ്പളം ഗഡുക്കളായി നവകേരള നിർമാണത്തിനായി നൽകും. ഇരിട്ടി താലൂക്ക് ഓഫിസിൽ െഡപ്യൂട്ടി തഹസിൽദാർ ടി. ശശിധരന് അലിയുടെ മകൻ പാറക്കടവത്ത് ഫസൽ തുക കൈമാറി. പാറക്കടവത്ത് ഫാസിൽ, വി. റാഷിഖ് എന്നിവർ സംബന്ധിച്ചു.