മുഅല്ലിം ദിനാചരണവും ആദരായനവും

ചൊക്ലി: പെരിങ്ങത്തൂർ േറഞ്ച് മുഅല്ലിം ദിനാചരണവും മദ്റസ അധ്യാപനരംഗത്ത് 50 വർഷം പൂർത്തിയാക്കിയ കുഞ്ഞമ്മദ് മുസ്ലിയാരെ ആദരിക്കലും നടന്നു. ഒളവിലം റഹ്മാനിയ മദ്റസ ഹാളിൽ നടന്ന ചടങ്ങ് മദ്റസ സദർ ഷമീർ നിസാമി ഉദ്ഘാടനം ചെയ്തു. ഒ. അബൂബക്കർ ഹാജി അധ്യക്ഷത വഹിച്ചു. കുഞ്ഞമ്മദ് മുസ്ലിയാരെ ഷാൾ അണിയിച്ച് ആദരിച്ചു. പെരിങ്ങത്തൂർ േറഞ്ച് സെക്രട്ടറി മജീദ് ദാരിമി ഉദ്ബോധന ഭാഷണം നടത്തി. എം. സുലൈമാൻ മാസ്റ്റർ, സി.എച്ച്. അബ്ദുല്ല ഹാജി, കെ.പി. അലി ഹാജി എന്നിവർ സംസാരിച്ചു. കെ.പി. സഫീർ ഹാജി സ്വാഗതവും നാസർ ഫൈസി നന്ദിയും പറഞ്ഞു. തുടർന്ന് കുട്ടികളുടെ വിവിധ പരിപാടികളുമുണ്ടായി.