വേങ്ങാട് ഭാസ്കരനെ അനുസ്മരിച്ചു

അഞ്ചരക്കണ്ടി: കോൺഗ്രസ് നേതാവും മുൻ ഡി.സി.സി അംഗവുമായിരുന്ന വേങ്ങാട് ഭാസ്കര‍​െൻറ പത്താം ചരമവാർഷികം വേങ്ങാട് മണ്ഡലം കമ്മിറ്റി ആഭിമുഖ്യത്തിൽ നടന്നു. ഡി.സി.സി ജനറൽ സെക്രട്ടറി കെ.സി. മുഹമ്മദ് ഫൈസൽ ഉദ്ഘാടനം ചെയ്തു. രാവിലെ സ്മൃതിമണ്ഡപത്തിൽ പുഷ്പാർച്ചന നടത്തി. അനുസ്മരണ യോഗത്തിൽ മണ്ഡലം പ്രസിഡൻറ് പടന്നക്കണ്ടി ജനാർദനൻ അധ്യക്ഷത വഹിച്ചു. സി.കെ. പുരുഷോത്തമൻ, പി.എ. ദാമോദരൻ, എം.പി. കരുണാകരൻ, കെ.വി. വേണുഗോപാൽ, സഹദേവൻ മാസ്റ്റർ, സി.പി. സലീം, രാജൻ വേങ്ങാട് തുടങ്ങിയവർ സംസാരിച്ചു.