കൂത്തുപറമ്പ് നഗരസഭയിൽ ഹരിത കർമസേന

കൂത്തുപറമ്പ്: ശുചിത്വ കേരളം പദ്ധതിയുടെ ഭാഗമായി പ്രവർത്തനം തുടങ്ങി. നഗരസഭ ചെയർമാൻ എം. സുകുമാരൻ ഉദ്ഘാടനം ചെയ്തു. കുറ്റിക്കാട് പൊതുജന വായനശാലയിൽ നടന്ന പരിപാടിയിൽ വൈസ് ചെയർപേഴ്സൻ എം.പി. മറിയംബീവി അധ്യക്ഷത വഹിച്ചു. നഗരസഭ സെക്രട്ടറി കെ.കെ. സജിത്ത്കുമാർ, സ്റ്റാൻഡിങ് കമ്മിറ്റി ചെയർമാന്മാരായ വി. രാമകൃഷ്ണൻ, കെ. അജിത, പി. പ്രമോദ്, കെ. തങ്കമണി തുടങ്ങിയവർ സംസാരിച്ചു. കർമസേനയുടെ നേതൃത്വത്തിൽ നഗരസഭയിലെ മുഴുവൻ വീടുകളിലും സ്ഥാപനങ്ങളിലുമെത്തി പ്ലാസ്റ്റിക് മാലിന്യം ശേഖരിക്കും.