നികുതി കുറക്കണം -സതീശൻ പാച്ചേനി

കണ്ണൂർ: ജനത്തെ പൊറുതിമുട്ടിക്കുന്ന ഇന്ധന വിലവർധനവിൽനിന്ന് കേന്ദ്ര, കേരള സർക്കാറുകൾ പിൻവാങ്ങണമെന്ന് ഡി.സി.സി പ്രസിഡൻറ് സതീശൻ പാച്ചേനി പറഞ്ഞു. ക്രൂഡോയിൽ വില കുറയുമ്പോൾ വിൽപന നികുതി കൂട്ടി സർക്കാർ പണം ഉണ്ടാക്കുന്ന നടപടി ജനാധിപത്യ രാജ്യത്തിലെ ഭരണാധികാരികൾക്ക് യോജിച്ചതല്ല. രണ്ടാഴ്ചയിൽ ഒരിക്കൽ വില നിർണയം നടത്തിയിരുന്ന സ്ഥാനത്ത് കഴിഞ്ഞ ജൂണിൽ വില നിർണയം പ്രതിദിനാടിസ്ഥാനത്തിൽ ആക്കിയതിനുശേഷം വില 11.5 ശതമാനത്തിലധികം ഉയർന്നതായും പാച്ചേനി കുറ്റപ്പെടുത്തി.