സൻസദ് പദ്ധതി

കൂത്തുപറമ്പ്: പാട്യം പഞ്ചായത്തിൽ സൻസദ് ആദർശ് ഗ്രാമയോജന പദ്ധതി പ്രഖ്യാപനം കെ.കെ. രാഗേഷ് എം.പി നിർവഹിച്ചു. വിവിധ ക്ഷേമ പദ്ധതികൾ നടപ്പാക്കുന്നതിന് മുന്നോടിയായുള്ള സർവേ ഫോറങ്ങൾ കൂത്തുപറമ്പ് ബ്ലോക്ക് പഞ്ചായത്ത് പ്രസിഡൻറ് എ. അശോകൻ വിതരണം ചെയ്തു. പാട്യം പഞ്ചായത്ത് പ്രസിഡൻറ് വി. ബാലൻ അധ്യക്ഷത വഹിച്ചു. ജില്ല പഞ്ചായത്ത് അംഗം കെ.പി. ചന്ദ്രൻ മാസ്റ്റർ, പഞ്ചായത്ത് വൈസ് പ്രസിഡൻറ് പി. ശ്രീലത, കെ. പ്രവീൺ കുമാർ, എ.ജി. ഇന്ദിര തുടങ്ങിയവർ സംസാരിച്ചു. കെ.കെ. രാഗേഷ് എം.പിയുടെ പ്രാദേശിക വികസന നിധിയിൽ ഉൾപ്പെടുത്തിയാണ് കേന്ദ്ര സഹായത്തോടെ പദ്ധതി നടപ്പാക്കുന്നത്.