കല്യാണിയമ്മയുടെ സ്വർണാഭരണങ്ങൾ സാന്ത്വന പ്രവർത്തനത്തിന്

ശ്രീകണ്ഠപുരം: ചുഴലി തോളൂരിൽ കഴിഞ്ഞയാഴ്ച നിര്യാതയായ പടിഞ്ഞാറെ പുതിയ പുരയിൽ കല്യാണിയുടെ സ്വർണാഭരണങ്ങൾ ഇനി സാന്ത്വനമാവും. മരിച്ചതി​െൻറ 12ാം ദിവസം മക്കളുടെയും മരുമക്കളുടെയും സാന്നിധ്യത്തിൽ മൂത്ത മകൻ നാരായണൻ ഐ.ആർ.പി.സി ഭാരവാഹികൾക്ക് കമ്മൽ, മോതിരം, താലിമാല തുടങ്ങിയവ കൈമാറി. സി.പി.എം ശ്രീകണ്ഠപുരം ഏരിയ സെക്രട്ടറി എം. വേലായുധൻ ആഭരണങ്ങൾ ഏറ്റുവാങ്ങി. വീട്ടിൽ നടന്ന ചടങ്ങിൽ ചുഴലി ലോക്കൽ സെക്രട്ടറി പി. പ്രകാശൻ, എൻ. നാരായണൻ, പി.വി. രാജേഷ്, എം.എം. പ്രജോഷ് എന്നിവർ പങ്കെടുത്തു.