പ്രളയ മേഖലകളിൽ സഹായവുമായി വിദ്യാർഥികൾ

തളിപ്പറമ്പ്: തളിപ്പറമ്പ് സർ സയ്യിദ് കോളജ് നാഷനൽ സർവിസ് സ്കീം ദുരിതാശ്വാസ പ്രവർത്തനങ്ങൾ നടത്തി. ഫണ്ട് ശേഖരണം തളിപ്പറമ്പ് സി.ഐ കെ.ജെ. വിനോയ് ഉദ്ഘാടനം ചെയ്തു. വയനാട്ടിലെ പനമരത്തെ ദുരിതാശ്വാസ ക്യാമ്പിൽ താമസിക്കുന്നവരുടെ വീടുകളും പരിസരവും പ്രവർത്തകർ ശുചീകരിച്ചു. ശുചീകരണ പ്രവൃത്തി പ്രിൻസിപ്പൽ ഡോ. പി.ടി. അബ്ദുൽ അസീസ് ഉദ്ഘാടനം ചെയ്തു. എൻ.എസ്.എസ് പ്രോഗ്രാം ഓഫിസർമാരായ ഡോ. ബിനുമോൾ പി. കുര്യാക്കോസ്, ഡോ. വി.ടി.വി. മോഹനൻ എന്നിവരുടെ നേതൃത്വത്തിലുള്ള അധ്യാപകരും നാൽപതോളം വളൻറിയർമാരുമാണ് ഓണാവധിക്കാലം വയനാട്ടിലെ ശുചീകരണ പ്രവർത്തനങ്ങൾക്കായി ചെലവഴിച്ചത്.