ദേശീയപാതയിലെ കുഴികൾ അടക്കണം -പി.കെ. ശ്രീമതി എം.പി

കണ്ണൂർ: ദേശീയപാതയിൽ കണ്ണൂർ കാൽടെക്സ് മുതൽ ചാലവരെ കുഴികൾ നിറഞ്ഞത് ഉടൻ ടാർ ചെയ്ത് അടക്കണമെന്ന് പി.കെ. ശ്രീമതി എം.പി ആവശ്യപ്പെട്ടു. കാൽടെക്സ് ജങ്ഷൻ മുതൽ ചാലവരെയുള്ള ഭാഗത്ത് ഗതാഗതം അതി ദുഷ്കരമാണ്. റോഡുകൾ പൊട്ടിപ്പൊളിഞ്ഞകാരണം ഗതാഗതക്കുരുക്ക് നിത്യസംഭവമായി. യുദ്ധകാലാടിസ്ഥാനത്തിൽ കുഴികൾ അടച്ച് ടാറിങ് നടത്തി ഗതാഗതയോഗ്യമാക്കാൻ നടപടിയെടുക്കണമെന്ന് എം.പി ദേശീയപാത വിഭാഗം സൂപ്രണ്ടിങ് എൻജിനീയർക്കും എക്സിക്യൂട്ടിവ് എൻജിനീയർക്കും നൽകിയ കത്തിൽ നിർദേശിച്ചു.