പട്ടിണിയിലായ ആദിവാസി കുടുംബത്തെ ബന്ധുക്കളോടൊപ്പം അയച്ചു

പാനൂരിൽ: നാലു ദിവസത്തോളം പട്ടിണിയിലായ ആദിവാസി കുടുംബത്തെ ബന്ധുക്കളോടൊപ്പം സ്വന്തം നാട്ടിലേക്ക് അയച്ചു. കഴിഞ്ഞ നാല് ദിവസമായി പാനൂരിൽ പണിതീരാത്ത കെട്ടിടത്തിൽ പട്ടിണിയിൽ കഴിയുകയായിരുന്നു ഇവർ. എസ്.ടി പ്രമോട്ടറും ബന്ധുവുമെത്തിയാണ് ഇവരെ സ്വദേശമായ മാലൂരിലേക്ക് കൂട്ടിക്കൊണ്ടുപോയത്. ബാലകൃഷ്ണൻ, ഭാര്യ തങ്കം, തങ്കത്തി​െൻറ സഹോദരിയുടെ മകൾ ബിന്ദു എന്നിവരുടെ ദുരിതാവസ്ഥ കഴിഞ്ഞ ദിവസം പൊലീസി​െൻറ ശ്രദ്ധയിൽപെടുകയായിരുന്നു. തുടർന്ന് ജനമൈത്രി പൊലീസ് ഇടപെട്ട് ഇവരെ സഹായിക്കാനെത്തി. സാമൂഹികപ്രവർത്തകൻ ഒ.ടി. നവാസ് ഇവർക്ക് ഒരു മാസത്തേക്കുള്ള ഭക്ഷ്യവസ്തുക്കൾ നൽകി. കുടുംബത്തെ നാട്ടിലേക്കയക്കാൻ ജനമൈത്രി പൊലീസ് ഓഫിസർ ദേവദാസ്, ഒ.ടി. നവാസ് എന്നിവരുമുണ്ടായിരുന്നു.