കമ്പിപ്പാലം ഉരുൾപൊട്ടലിൽ ഒലിച്ചുപോയി; കണിച്ചാർ-പള്ളിക്കടവിൽ വഴിമുടങ്ങി

കേളകം: കമ്പിപ്പാലം ഉരുൾപൊട്ടലിൽ ഒലിച്ചുപോയതോടെ കണിച്ചാർ-പള്ളിക്കടവിൽ യാത്രക്കാരുടെ വഴിമുടങ്ങി. ഇരുകരകളിലുള്ളവർ കിലോമീറ്ററുകൾ അധിക യാത്ര ചെയ്യണം. നൂറുകണക്കിനാളുകൾ ഉപയോഗിച്ചിരുന്ന തൂക്കുപാലം ഉടൻ പുനർനിർമിക്കണമെന്നാണ് പ്രദേശവാസികളുടെ ആവശ്യം. പാലത്തി​െൻറ തൂണുകൾ ഉൾപ്പെടെ തകർന്നിട്ടുണ്ട്. പതിറ്റാണ്ടുകളായി ജനങ്ങൾ ഉപയോഗിച്ചിരുന്ന കമ്പിപ്പാലമാണ് രണ്ടാഴ്ചമുമ്പ് ഉരുൾപൊട്ടലിൽ തകർന്നത്.