ലോറി കടയിലേക്ക്​ പാഞ്ഞുകയറി മൂന്നുപേര്‍ക്ക് പരിക്ക്​

മട്ടന്നൂര്‍: ചാലോട് ടൗണില്‍ ലോറി കടയിലേക്ക് പാഞ്ഞുകയറി മൂന്നുപേര്‍ക്ക് പരിക്കേറ്റു. വെള്ളിയാഴ്ച രാവിലെ 11ഒാടെയായിരുന്നു അപകടം. പരിക്കേറ്റവരെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. അഞ്ചരക്കണ്ടിയില്‍നിന്ന് ഇരിക്കൂര്‍ ഭാഗത്തേക്ക് പോകുകയായിരുന്ന ടിപ്പര്‍ ലോറി ചാലോട്-ഇരിക്കൂര്‍ റോഡ് ജങ്ഷനു സമീപം നിര്‍ത്തിയിട്ട മിനിലോറിയുടെ പിറകില്‍ ഇടിച്ചായിരുന്നു അപകടം. തുടര്‍ന്ന് മിനിലോറി സമീപത്തെ കെ.ടി.പി. ഷംസുദ്ദീ​െൻറ പൂട്ടിയിട്ട പലചരക്ക് കടയിലേക്കു പാഞ്ഞുകയറി കടയുടെ മുന്‍ഭാഗം തകര്‍ന്നു. കട അവധിയായതിനാല്‍ വന്‍ അപകടം ഒഴിവായി. വൈദ്യശാലയുടെ മരുന്നുമായി എത്തിയശേഷം റോഡരികില്‍ നിര്‍ത്തി മരുന്നിറക്കുന്നതിനിടെയാണ് ടിപ്പര്‍ ലോറിയിടിച്ചത്. മട്ടന്നൂരില്‍നിന്ന് അഗ്നിശമന സേനയും പൊലീസും സ്ഥലത്തെത്തി. തുക കൈമാറി മട്ടന്നൂര്‍: മുഖ്യമന്ത്രിയുടെ ദുരിതാശ്വാസ നിധിയിലേക്ക് സി.എം.പി ജില്ല കമ്മിറ്റി സമാഹരിച്ച തുക ജില്ല സെക്രട്ടറി സി.വി. ശശീന്ദ്രന്‍ ജില്ല കലക്ടര്‍ മിര്‍ മുഹമ്മദലിക്ക് കൈമാറി. കെ.വി. വിജയന്‍, പി.വി. വത്സന്‍, ടി.പി. സുനില്‍കുമാര്‍, സി.കെ. പ്രസാദ്, മുടപ്പത്തി ബാലന്‍ എന്നിവര്‍ പങ്കെടുത്തു.