'തിരികെ തിരുമുറ്റത്തേക്ക്' - പഞ്ചായത്ത്തല ഉദ്ഘാടനം നടത്തി

'തിരികെ തിരുമുറ്റത്തേക്ക്' - പഞ്ചായത്ത്തല ഉദ്ഘാടനം നടത്തി ന്യൂമാഹി : തിരികെ തിരുമുറ്റത്തേക്ക് എന്ന പരിപാടിയുടെ പഞ്ചായത്ത് തല ഉദ്ഘാടനം കുറിച്ചിയിൽ ശ്രീനാരായണ വിലാസം യു.പി.സ്കൂളിൽ നടന്നു. നവാഗത വിദ്യാർത്ഥികളെ സ്വീകരിച്ച് സ്കൂളിലേക്ക് ആനയിച്ച് യൂണിഫോം തുണികളും പഠനോപകരണങ്ങളും വിതരണം ചെയ്തു. സർവ്വശിക്ഷാ അഭിയാനും ന്യൂമാഹി ഗ്രാമപഞ്ചായത്തും ചേർന്നാണ് പരിപാടി നടത്തിയത്. പഞ്ചായത്ത് പ്രസിഡന്റ് എ.വി.ചന്ദ്രദാസൻ ഉദ്ഘാടനം ചെയ്തു. സ്ഥിരം സമിതി അധ്യക്ഷ എ.കെ.അനിത അധ്യക്ഷത വഹിച്ചു. സ്ഥിരം സമിതി അധ്യക്ഷ എം.കെ. സെയ്തു, വാർഡംഗങ്ങളായ എം.കെ.ലത, പി.ശ്രീദേവി, പി.പ്രമീള, ടി.എം.പ്രീജ, പി.ആർ.പി. കോർഡിനേറ്റർ അസീസ്, പി.ടി.എ പ്രസിഡന്റ് എ.പി.മനോജ്, മദർ പി.ടി.എ പ്രസിഡന്റ് സൗദത്ത്, അരങ്ങിൽ നാണു, ടി.പി. ജ്യോതി എന്നിവർ സംസാരിച്ചു.